Ford SYNC 3 ხმოვანი მართვით გთავაზობთ უფრო თანამედროვე ინტერფეისს მძღოლსა და ტექნოლოგიას შორის. გაუმჯობესებული სენსორული ეკრანი რეაგირებს ისეთ შეხებაზე, როგორიცაა გადასმა და მასშტაბირება ორი თითით. Bluetooth და USB კავშირი საშუალებას გაძლევთ, მოახდინოთ SYNC 3-ის ინტეგრირება გარე მოწყობილობებთან. Apple CarPlay, Android Auto, Applink და გადაუდებელი დახმარების ფუნქცია, უზრუნველყოფს თქვენი სმარტფონის HMI-ზე სრულ წვდომას SYNC 3 საწყისი ეკრანის მეშვეობით. ამასთანავე, საშუალება გეძლევათ დაარეგულიროთ დღის და ღამის რეჟიმები და პარამეტრები დააყენოთ რამდენიმე მომხმარებლისთვის.

ESC სისტემა მუდმივად აკონტროლებს ავტომობილის სვლის პროცესს. ის გრძნობს, როდესაც ავტომობილი კარგავს გზაზე მოჭიდებას და  საჭირო ბორბლებზე ავტომატურად ააქტიურებს სამუხრუჭე სისტემას, რის შედეგადაც ხდება სვლის სტაბილიზირება. რეინჯერი სტანდარტულად აღჭურვილია მძღოლისა და მგზავრის უსაფრთხოების ბალიშებით, ასევე გვერდითა, ფარდისებრი და მძღოლის მუხლის უსაფრთხოების ბალიშებით. დახვეწილი ESC სისტემა კი გეხმარებათ მაქსიმალური კონტროლის შენარჩუნებაში.

დახვეწილი სისტემა Traction Control System გამორიცხავს მოცურებას და უზრუნველყოფს მაქსიმალურ მოჭიდებას იმ საბურავზე, რომელზეც ეს ყველაზე მეტად არის საჭირო. აღნიშნულის შედეგად კი ხდება მართვის სტაბილურობის შენარჩუნება. სისტემა მუდმივად აკონტროლებს თითოეულ ბორბალზე მიწოდებულ სიმძლავრეს და უზრუნველყოფს მაქსიმალურ კონტაქტსა და მოჭიდების აჩქარების დროს.

ფორდის უნიკალური დაგორების საწინააღმდეგო  სენსორების სისტემა ეხმარება ავტომობილს დარჩეს გზაზე, რაც განსაკუთრებით მნიშვნელოვანია რთულ მოსახვევებში. 

ადაპტირებადი კრუიზ კონტროლის ტექნოლოგიით, თქვენ ირჩევთ სიჩქარეს, რომლითაც გსურთ მგზავრობა, ხოლო სისტემა მის შენარჩუნებაზე იზრუნებს. თუ ჩაშენებული რადარი დააფიქსირებს შემხვედრ ავტომანქანას, ის ავტომატურად შეანელებს თქვენს ავტომობილს. გზის გათავისუფლების შემდეგ, სისტემა დაუბრუნდება წინასწარ დაფიქსირებულ სიჩქარეს.

ფორდ რეინჯერმა მიიღო 5 ვარსკვლავი Euro NCAP უსაფრთხოების სტანდარტში. რაც ნიშნავს, რომ თქვენ და თქვენს მგზავრებს გარანტირებული გაქვთ მაქსიმალურად უსაფრთხო მგზავრობა.